اسپیشل سیکرٹری ہاوسنگ و اربن پلاننگ اینڈ پبلک ہیلتھ انجینئرنگ جنوبی پنجاب سے کوریئن ایجنسی کے وفد کی ملاقات
ملتان، 17اپریل (اے پی پی): اسپیشل سیکرٹری ہاوسنگ و اربن پلاننگ اینڈ پبلک ہیلتھ انجینئرنگ جنوبی پنجاب/ ڈائریکٹر جنرل ایم ڈی اے رانا سلیم احمد خان سے کوریئن ایجنسی(KOICA)کے وفد نے ملاقات کی ۔
ملاقات میں کورین ایجنسی(KOICA) کے وفد نےملتان شہر میں سیلاب سے بچاؤ، واٹر سپلائی اور سیوریج سسٹم کی بہتری کے پروجیکٹ پر ہونے والی پیش رفت بارے بریفننگ دی۔ڈائریکٹر جنرل ایم ڈی اے رانا سلیم احمد خان نے گفتگو کرتے ہوئے کہا کہ یہ پروجیکٹ ملتان شہر کی بہتری اور سیلاب جیسی آفات سے بچاؤ کے ساتھ ساتھ سیوریج سسٹم میں بھی بہتری لائے گا۔انہوں نے مزید کہا کہ2014 میں آنے والے سیلاب اور اس سے ہونے والی تباہی نے ملتان شہر اور اس کے ملحقہ اضلاع کو بہت زیادہ متاثر کیا۔ موسمیاتی تبدیلی کی وجہ سے غیر متوقع بارشوں اور سیلابی صورتحال سے نمٹنے کے لئے اس پروجیکٹ کی اشد ضرورت ہے۔ ملتان شہر اور اس کے ملحقہ اضلاع میں سیلابی صورتحال سے نمٹنے اور سیلاب سے متاثر ہونے والے علاقوں کے بچاؤ کے لئے اقدامات کی ضرورت ہے۔دریاوں کے بند کے ساتھ آبادیوں کے تحفظ اور سیلابی صورتحال میں ان کی منتقلی کے لئے اداروں کو کوآرڈینیشن کے ساتھ ایک جامع پلان کی ضرورت ہے۔ ڈائریکٹر جنرل ایم ڈی اے نے ملتان شہر بارے گفتگو کرتے ہوئے کہا کہ ملتان شہر ایک قدیم شہر ہے اور اس کا سٹرکچر پرانا ہونے کی وجہ سے سیوریج سسٹم بھی بہت پیچیدہ ہے جس کی وجہ سے آئے روز مسائل کا سامنا کرنا پڑتا ہے۔ ملتان شہر زمینی طور پر ایک پیالہ کی شکل میں ہے جس کی وجہ سے یہ شہر معمول سے زیادہ ہونے والی بارشوں کو برداشت نہیں کر سکتا۔
کورین ایجنسی KOICA کے وفد نے ڈائریکٹر جنرل ایم ڈی اے رانا سلیم احمد خان کو پروجیکٹ پر بریفنگ دیتے ہوئے کہا اس پروجیکٹ پر دسمبر 2024 سے کام جاری ہے اور اس پروجیکٹ کو تین سال میں دسمبر 2027 تک مکمل کیا جائے گا۔اس پروجیکٹ پر 10 ملین ڈالر کی خطیر رقم خرچ کی جائے۔پروجیکٹ کو عملی جامہ پہنانےکے لئے مختلف سرکاری اداروں سے عدادوشمار اکٹھے کئے جا رہے ہیں اور سروئے کیا جا رہا ۔
ڈائریکٹر جنرل ایم ڈی اے رانا سلیم نے ایم ڈی اے کی طرف سے مکمل تعاون کی یقین دہانی بھی کروائی۔ ڈائریکٹر جنرل ایم ڈی اے رانا سلیم احمد خان کی جانب سے وفد کو ملتانی ثقافتی شیلڈ بھی پیش کی گی۔
