اسلام آباد، 15 اپریل (اے پی پی ):وفاقی وزیر برائے سائنس و ٹیکنالوجی خالد حسین مگسی نے کہاہے کہ سیاست ایک مسلسل عمل ہے اور ریاست کو کمزور نہیں سمجھا جانا چاہیے۔
آج پارٹی کے رہنماؤں کے ہمراہ پریس کانفرنس کرتے ہوئے کہا کہ بلوچستان کے مسائل دھرنوں سے حل نہیں ہوں گے۔ انہوں نے زور دیا کہ انہوں نے کہا کہ احتجاج کرنے والے رہنما بات چیت کا راستہ اپنائیں۔
وفاقی وزیر نے اختر مینگل کو مذاکرات کی میز پر آنے کی دعوت دیتے ہوئے کہا کہ وہ ہمارے بھائی ہیں اور انہیں عوام کے مفاد میں سوچنا چاہیے۔
خالد حسین مگسی نے کہا کہ صوبائی حکومت اور ریاست اپنی رٹ قائم رکھنے کے لیے مؤثر اقدامات کر رہی ہیں اور عوامی مسائل کے حل کے لیے پرعزم ہیں۔ ان کے مطابق، سیاست چلتی رہتی ہے، لیکن ریاست اپنا کام جاری رکھے گی۔
پریس کانفرنس میں خالد حسین مگسی نے بتایا کہ چیئرمین سینیٹ صادق سنجرانی نے اختر مینگل سے ملاقات کی ہے اور وہ خود بھی ان سے رابطے میں ہیں۔
انہوں نے کہا کہ سیاست میں حالات بدلتے رہتے ہیں، اس لیے موجودہ صورتحال کے پیشِ نظر اختر مینگل کو اپنے فیصلوں پر نظرثانی کرنی چاہیے۔
