اسلام آباد،12اپریل (اے پی پی):وزیر اعظم کے معاون خصوصی ہارون اختر خان سے پاکستان بزنس کونسل نے کراچی میں ملاقات کی ہے۔
پاکستان بزنس کونسل کے وفد سے گفتگو کرتے ہوئے ہارون اختر خان نے کہا کہ ترمیم شدہ بجٹ میں سپر ٹیکس کے مکمل خاتمے کی تجاویز دی ہیں۔
انہوں نے کہا کہ پاکستانی کاروباری طبقہ ملک میں سرمایہ کاری کے لیے پُرعزم ہے، معیشت ترقی کر رہی ہے، مارک اپ ریٹ میں کمی آئی ہے۔ ہارون اختر خان نے کہا کہ حکومت نجی شعبے کے مسائل کے حل کے لیے سنجیدہ ہے، معیشت کی بحالی کے لیے سب کو مل کر کام کرنا ہوگا، ہر پالیسی عوامی فلاح اور ترقی کے لیے ہے ۔
