واشنگٹن ڈی سی، 21 اپریل ) اے پی پی ):وزیر خزانہ سینیٹر محمد اورنگزیب نے عالمی بینک اور آئی ایم ایف کے سالانہ موسم بہار اجلاس کے موقع پر انٹرنیشنل فنانس کارپوریشن (IFC) کی ریجنل وائس پریزیڈنٹ ہیلا شیخ روحو اور اُن کی ٹیم سے ملاقات کی۔
ملاقات میں نجی شعبے میں اصلاحات، توانائی کی منتقلی، مؤثر بلدیاتی مالیات، اور مکمل روزگار جیسے شعبوں میں ممکنہ تعاون پر تبادلہ خیال کیا گیا۔ فریقین نے ڈیورسیفائیڈ پیمنٹ رائٹس (DPR) پر پیش رفت کا بھی جائزہ لیا۔
وزیر خزانہ نے ریکوڈک تانبے اور سونے کی کان کے منصوبے کے لیے 2.5 ارب ڈالر کی قرض فنانسنگ میں IFC کے قائدانہ کردار کو سراہا اور اس بات پر زور دیا کہ اس منصوبے کے ثمرات مقامی آبادی تک پہنچنے چاہئیں۔ ملاقات کو پاکستان میں نجی شعبے کے فروغ اور پائیدار ترقی کے لیے ایک مثبت پیش رفت قرار دیا گیا۔
سعیدہ، حبیب شاہ
