اسلام آباد، 09 اپریل (اے پی پی): وفاقی وزیر برائے قومی غذائی تحفظ و تحقیق رانا تنویر حسین سےاکنامک کوآپریشن آرگنائزیشن کے سیکرٹری جنرل اسد مجید نے ان کے دفتر میں ملاقات کی جس میں انہوں نے پاکستان کو یورپی یونین کے مختلف زرعی پروگرامز میں شمولیت کی دعوت دی۔
وفاقی وزیر رانا تنویر حسین نے کہا کہ پاکستان ایک زرعی ملک ہے اور وزیراعظم میاں محمد شہباز شریف کی قیادت میں زراعت کے شعبے میں اصلاحات کا سلسلہ بھرپور انداز میں جاری ہے۔ انہوں نے کہا کہ حکومت کا فوکس معیاری بیج کی تیاری پر ہے تاکہ فصل کی پیداوار میں اضافہ ہو اور کسان خوشحال ہو۔
انہوں نے مزید کہا کہ زراعت کی ترقی کے لیے پاکستان جدید ٹیکنالوجی اپنا رہا ہے، فوڈ سیکورٹی ایک عالمی مسئلہ ہے، لیکن پاکستان اس چیلنج پر قابو پانے کے لیے پرعزم ہے۔ وزارت قومی غذائی تحفظ و تحقیق زراعت کی بہتری، معیاری پیداوار اور فوڈ سکیورٹی کے تحفظ کے لیے اپنی کوششیں جاری رکھے گی۔
