ملتان، 11اپریل (اے پی پی): کمشنر عامر کریم خان نے “مینگو انکلیو” کے قیام کیلئے مجوزہ سائٹ کا دورہ کیا۔
اس موقع پر انہوں نے کہا کہنادرہ آباد فلائی اوور کے قریب ویران رقبے پر آموں کے درخت لگائے جائیں گے۔ پی ایچ اے اور انڈسٹریل اسٹیٹ بورڈ کے تعاون سے آموں کی مکمل اجناس کاشت کی جائیں گی۔ مینگو انکلیو کو چار دیواری اور آہنی جنگلے سے محفوظ بنا کر پکنک پوائنٹ میں تبدیل کیا جائے گا جبکہ آم سے بنی اشیاء کی فراہمی کے لیے خصوصی ہٹس تعمیر کی جائیں گی۔ شہریوں کو بہتر ماحول دینے کے لیے پختہ بینچز کی تعمیر کا بھی فیصلہ کیا گیا۔کمشنر عامر کریم خان نے کہا کہ آم شہرِ اولیاء کی پہچان، مینگو انکلیو خوشگوار اضافہ ثابت ہوگا۔
