دوحہ ،5 مئی ( اے پی پی): وفاقی وزیرداخلہ محسن نقوی 2 روزہ سرکاری دورہ پر قطر پہنچ گئے جہاں
قطر کے وزیر مملکت داخلہ شیخ عبدالعزیز بن فیصل بن محمد الثانی اور پاکستانی سفیر محمد عامر نے وزیر داخلہ محسن نقوی کا پرتپاک خیرمقدم کیا ۔
قطر کے وزیر مملکت داخلہ شیخ عبدالعزیز بن فیصل بن محمد الثانی نے وزیرداخلہ محسن نقوی سے ملاقات کے دوران گفتگو کرتے ہوئے کہا کہ آپ کا دورہ دوطرفہ تعلقات کے فروغ کے لئے اہم ثابت ہو گا۔
محسن نقوی نے کہا پاکستان قطر کے ساتھ تعلقات کو انتہائی اہمیت دیتا ہے۔
