اسلام آباد، 8 جولائی(اے پی پی ): اسپیکر قومی اسمبلی سردار ایاز صادق کا پارلیمانی وفد کے ہمراہ آذربائجان کی ملی مجلس کا دورہ کیا۔
ملی مجلس آمد پر اسپیکر ملی مجلس صاحبہ غفارووا نے اسپیکر قومی اسمبلی اور پاکستان کے پارلیمانی وفد کا خیر مقدم کیا۔ اسپیکر سردار ایاز صادق نے پُرتپاک استقبال پر اسپیکر ملی مجلس کا شکریہ ادا کیا۔
اسپیکر قومی اسمبلی کی آذربائیجان کی ملی مجلس کی اسپیکر محترمہ صاحبه غفارووا سے ملاقات کی۔ملاقات میں دو طرفہ تعلقات اور اہم عالمی و علاقائی امور پر تبادلہ خیال کیا گیا۔
ملاقات میں پارلیمانی تعاون، اقتصادی شراکت داری اور عوامی سطح پر روابط کو فروغ دینے پر بھی اتفاق کیا۔اسپیکر قومی اسمبلی نے مسئلہ کشمیر، غزہ میں انسانی بحران اور ایران-اسرائیل کشیدگی پر آذربائیجان کے جرات مندانہ مؤقف کو سراہا۔
اسپیکر نے وزیراعظم پاکستان محمد شہباز شریف کے آزاد شدہ آذربائیجانی علاقوں کے حالیہ دورے کو نہایت اہم قرار دیا۔اسپیکر قومی اسمبلی سردار ایاز صادق کا کہنا تھا کہ گوادر بندرگاہ علاقائی تجارت اور اقتصادی تعاون کے فروغ میں کلیدی کردار ادا کر سکتی ہے،اسپیکر قومی اسمبلی کا آذربائیجان، پاکستان اور ترکی کے پارلیمانی اسپیکرز کے مابین سہ فریقی اجلاس جلد منعقد کرنے کی ضرورت پر زور دیا۔
اسپیکر قومی اسمبلی کا کہنا تھا کہ پارلیمانی وفد میں حکومتی اور اپوزیشن اراکین شامل ہیں، جو آذربائیجان کے لیے پاکستانی پارلیمان کی حمایت کا مظہر ہے،قومی اسمبلی آف پاکستان نے آرمینیا اور آذربائیجان کی کشیدگی کے موقع پر قومی آذربائیجان کی حمایت میں دو قرارداد متفقہ طور پر منظور کیں،۔ قومی اسمبلی پاکستان نے آرمینیا کی جارحیت کے خلاف اپنی قرارداد میں بھرپور مذمت کی۔
اسپیکر ملی مجلس محترمہ صاحبه غفارووا نے پاکستان کی جانب سے مستقل حمایت پر شکریہ ادا کیا۔
اسپیکر ملی مجلس نے دونوں ممالک کے برادرانہ تعلقات کو قابلِ فخر قرار دیا۔انہوں نے آذربائیجان-پاکستان-ترکی سہ فریقی پارلیمانی اجلاس اور 2021 میں اپنے دورۂ پاکستان کو نہایت خوشگوار قرار دیا۔محترمہ صاحبه غفارووا کی پاکستان-آذربائیجان پارلیمانی فرینڈشپ گروپ کے وفد کو آئندہ خزاں اجلاس کے دوران ملی مجلس کا دورہ کرنے کی دعوت،اسپیکر ملی مجلس کا دونوں ممالک کے درمیان براہِ راست پروازوں کی تعداد میں اضافے کی ضرورت پر زور،اسپیکر سردار ایاز صادق نے ملی مجلس میں موجود مہمانوں کی یادداشت کی کتاب میں اپنے تاثرات بھی قلمبند کیے۔
ملاقات میں اراکینِ قومی اسمبلی ڈاکٹر مہیش کمار ملانی، چوہدری افتخار نذیر، صادق افتخار، عمیر خان نیازی، محمد افضل کھوکھر، محمد معین عامر پیرزادہ اور نذیر احمد بھگیو نے شرکت کی۔
