اسلام آباد 7 جولائی ( اے پی پی): حوالدار لالک جان شہید(نشان حیدر) کا 26 واں یومِ شہادت پوری عقیدت و احترام سے منایا جا رہا ہے،ملک بھر کی مساجد میں قران خوانی اور دعاؤں کا اہتمام کیا گیا ہے۔
دن کا آغاز مساجد میں قرآن خوانی اور دعاؤں کے ساتھ ہوا، علماء کرام نے شہید کے درجات کی سربلندی کے لئے خصوصی دعاؤں کا اہتمام کیا۔
علماء کرام نے اظہارِ خیال کرتے ہوئے کہا کہ زندہ قومیں اپنے محسنوں کے احسانات کو فراموش نہیں کرتیں جبکہ شہداء کا لہو ہم پر قرض ہے-ان کا کہنا تھا کہ اپنے شہداء کی تکریم ہر ایک پر لازم ہے۔
علماء کرام نے کہا کہ شہید کا خون کبھی رائیگاں نہیں جاتا جبکہ شہداء کی قربانیاں یہ درس دیتی ہیں کہ وطن کی حفاظت اور محبت میں جانوں کا نذرانہ دینا بھی خوش نصیبی ہے۔شہید حوالدار لالک جان دھرتی کا بہادر بیٹا تھا جو ہمیشہ ہر دل میں زندہ رہے گا۔
