اسلام آباد، 28 اگست ( اے پی پی): سعودی عرب میں شیڈول اے ایف سی انڈر 23 ایشین کپ 2026 کوالیفائرز کے لئے قومی انڈر 23 ٹیم کا کیمپ جناح اسپورٹس کمپلیکس اسلام آباد میں جاری ہے۔
ہیڈ کوچ نولبرٹو سولانو کی نگرانی میں کیمپ چند روز مزید جاری رہے گا، حتمی 23 رکنی اسکواڈ کا اعلان جلد کیا جائے گا۔
دوران کیمپ۔ جارج کاستانئیرا نے بطور ایسوسی ایٹ فٹنس کوچ اپنی ذمہ داریاں سنبھال لیں۔
پاکستان اپنا پہلا میچ عراق کے خلاف 3 ستمبر کو کھیلے گا جبکہ دوسرا میچ 6 ستمبر کو کمبوڈیا اور گروپ اسٹیج کا آخری میچ 9 ستمبر کو اومان کے خلاف کھیلے گا۔
