دبئی، 28 اگست (اے پی پی): سہہ ملکی سیریز اور ایشیا کپ کی تیاریوں کے سلسلے میں پاکستانی سکواڈ نے آئی سی سی اکیڈمی دبئی میں ٹریننگ کی۔ کھلاڑیوں نے تین گھنٹے تک پریکٹس سیشن میں حصہ لیا۔
فزیکل اور فیلڈنگ ڈرلز کے بعد کھلاڑیوں نے کوچز کے زیر نگرانی بیٹنگ اور باؤلنگ پریکٹس کی اور کنڈیشن کے حساب سے ٹریننگ پر فوکس کیا گیا۔
سہہ ملکی سیریز کا پہلا میچ 29 اگست کو پاکستان اور افغانستان کے درمیان ہوگا یہ میچ شارجہ کرکٹ سٹیڈیم میں کھیلا جائے گا۔
