گلگت، 04 اگست (اے پی پی): وزیرِ اعظم محمد شہباز شریف سے گورنر گلگت بلتستان سید مہدی شاہ نے یہاں ملاقات کی۔
ملاقات کے دوران گورنر نے وزیرِاعظم کو حالیہ بارشوں کے نتیجے میں پیدا ہونے والی سیلابی صورتحال اور اس کے سبب ہونے والے نقصانات کے بارے میں تفصیلی بریفنگ دی۔ گورنر نے وزیرِاعظم کو گلگت میں جاری ترقیاتی منصوبوں کی پیش رفت اور علاقے میں امن و امان کی صورتحال سے بھی آگاہ کیا۔
اس موقع پر وزیرِاعظم اور گورنر نے حالیہ سیلاب میں جاں بحق ہونے والوں کے لیے دعا کی اور ان کے لواحقین کے ساتھ ہمدردی کا اظہار کیا۔
