اسلام آباد ، 30 اگست ( اے پی پی): وفاقی وزیرداخلہ محسن نقوی کی ڈپلومیٹک انکلیو میں سعودی عرب کے سفارت خانے آمد،سعودی سفیر نواف بن سعید احمد المالکی نے وزیر داخلہ محسن نقوی کا خیر مقدم کیا
وزیرداخلہ محسن نقوی نے سعودی عرب کے سفیر نواف بن سعید احمد المالکی سے ملاقات کی اور پاک بھارت کشیدگی میں مخلصانہ ۔برادرانہ اور موثر کردار پر سعودی عرب کی حکومت اور سفیر سے اظہار تشکر کرتے ہوئے کہا کہ
جنگ ہو یا امن۔ سعودی عرب نے ہر موقع پر پاکستان کا بھرپور ساتھ دیا ہے۔
محسن نقوی نے کہا کہ پاکستان اور سعودی عرب کے تعلقات ہر آزمائش پر پورا اترے ہیں۔ انہوں نے کہا کہ
سعودی عرب جا کر بھیک مانگنے والے مافیا کے خلاف بھرپور کریک ڈاؤن کیا جا رہا ہے، بھکاری مافیا کے خلاف زیرو ٹالرنس کی پالیسی اپنائی ہے۔ دوران ملاقات گفتگو کرتی ہوئے سعودی سفیر کا کہنا تھا کہ پاکستان ہمارا برادر دوست ملک ہے۔ سعودی عرب پاکستان کے ساتھ تعلقات کو انتہائی اہمیت دیتا ہے ۔
