اسلام آباد، 29 اگست (اے پی پی): وفاقی وزیرداخلہ داخلہ محسن نقوی سے برطانوی نژاد پاکستانی بزنس مین وسیم اسلم نے ملاقات کی۔
ملاقات میں بزنس مین وسیم اسلم نے سیلاب متاثرین کیلئے ایک کروڑ روپے کا چیک وزیر داخلہ محسن نقوی کے حوالے کیا۔وزیر داخلہ محسن نقوی نے بزنس مین وسیم اسلم کے جذبہ خیر کو سراہا۔
اس موقع پر اظہار خیال کرتے ہوئے وفاقی وزیر داخلہ محسن نقوی کا کہنا تھا کہ پاکستان کو تاریخ کے غیر معمولی سیلاب کا سامنا ہے۔حالیہ سیلاب نے خیبرپختونخوا اور پنجاب کو شدید متاثر کیا ہے۔بڑے پیمانے پر تباہی ہوئی۔لاکھوں افراد بے گھر ہو چکے ہیں۔ حکومت متاثرین کو تنہا نہیں چھوڑے گی۔انہوں نے مزید کہا کہ وسیم اسلم کی مالی امداد کو وزیرِاعظم فلڈ ریلیف میں دیا جائے گا۔
