راولپنڈی، 2 اگست ( اے پی پی): یومِ آزادی کے موقع پر آئی ایس پی آر کی جانب سے “دل سے پاکستان” کے عنوان سے نیا نغمہ جاری کر دیا گیا ہے۔
جاری کیا گیا نغمہ معرکۂ حق میں عظیم فتح کی یادگار کے طور پر پیش کیا گیاہے۔وطن کے جانثار شہداء کو خراجِ عقیدت پیش کرتے ہوئے قربانیوں کو سنہری الفاظ میں سراہا گیا ہے۔
نغمے میں بھارت کے خلاف معرکۂ حق میں کامیابی کا جشن جوش و جذبے سے بھرپور انداز میں پیش کیا گیا۔نغمے میں وطن کی بقاء، خودمختاری اور سلامتی کے لیے ہر قربانی دینے کا عزم بھی کیا گیا ہے جبکہ نغمے کے ذریعے مادرِ وطن کے محافظ مسلح افواج کے کردار کو بھی خراجِ تحسین پیش کیا گیا۔
جاری کیا گیا نغمہ قومی یکجہتی، ترقی اور استحکام کے عہد کی تجدید کا مظہر ہے۔
