لاہور، 3 ستمبر ( اے پی پی): جنوبی افریقہ وویمنز کرکٹ ٹیم کا دورہ پاکستان اور آئی سی سی وویمنز کرکٹ ورلڈکپ کی تیاریوں کے سلسلے میں پاکستان وویمنز کرکٹ ٹیم کا تربیتی کیمپ جاری ہے۔بارش کے باعث آوٹ ڈور بیٹنگ، باولنگ اور فیلڈنگ کی ٹریننگ متاثر ہونے کی وجہ سے خواتین کھلاڑیوں نے 6ویں روز ہائی پرفارمنس سنٹر میں 3 گھنٹے تک ایوننگ ٹریننگ سیشن میں حصہ لیا۔ہیڈ کوچ محمد وسیم کی نگرانی میں کھلاڑیوں نے بیٹنگ، باولنگ و فیلڈنگ کی انڈور پریکٹس کے ساتھ ساتھ رننگ بٹوئین وکٹ بہتر بنانے کی بھی پریکٹس کرائی گئی اور سکلز ڈویلپمنٹ کے حوالے سے کھلاڑیوں کو ٹپس دیں گئیں۔خواتین کھلاڑیوں کا تربیتی کیمپ 11 ستمبر تک لاہور میں جاری رہے گا۔
