اسلام آباد، 09ستمبر (اے پی پی): نائب وزیر اعظم اور وزیر خارجہ سینیٹر محمد اسحاق ڈار اور قازقستان کے نائب وزیر اعظم اور وزیر خارجہ مرات نورتیلو کے درمیان منگل کو یہاں ملاقات ہوئی۔
نائب وزیر اعظم اور وزیر خارجہ سینیٹر محمد اسحاق ڈار نے اس سے قبل قازقستان کے ہم منصب کا دفتر خارجہ آمد کے موقع پر پرتپاک خیر مقدم کیا۔
دونوں رہنماؤں کے درمیان ملاقات میں فریقین نے نومبر 2025 میں قازقستان کے صدر کے مجوزہ دورے سے قبل سیاسی اور اقتصادی تعلقات اورعلاقائی رابطوں کو بڑھانے کے ساتھ ساتھ قریبی تعاون برقرار رکھنے کے اپنے عزم کا اعادہ کیا۔
