اسلام آباد، 2 ستمبر ( اے پی پی): وفاقی وزیر دفاع خواجہ محمد آصف سے چیف آف اسٹاف بحرین ڈیفنس فورسز لیفٹیننٹ جنرل تھیاب بن صقر عبداللہ النعیمی نے اسلام آباد میں ان کے دفتر میں ملاقات کی ہے۔ملاقات میں باہمی دلچسپی کے کلیدی شعبوں سمیت دونوں ممالک کے درمیان تعاون بڑھانے کی راہیں تلاش کرنے پرتوجہ مرکوز کی گئی۔فریقین نے دونوں ممالک کے درمیان جاری تعاون پر اطمینان اورباہمی فائدہ مند شعبوں میں تعاون کو مزید مضبوط بنانے کے عزم کا اظہارکیا ہے۔
