اسلام آباد،05اگست(اے پی پی ):وزیرِ اعظم عمران خان کی زیر صدارت ملک میں آبی ذخائر اور پانی سے متعلقہ مسائل کے حل کے حوالے سے اجلاس ہوا، اجلاس میں وزیرِ آبی وسائل محمد فیصل واؤڈا، سیکرٹری آبی وسائل محمد اشرف، چئیرمین واپڈا لیفٹیننٹ جنرل (ر) مزمل حسین و دیگر سینئر افسران شریک تھے۔
اجلاس میں وزیرِ آبی وسائل محمد فیصل واؤڈا نے وزیرِ اعظم کو ملک میں آبی ذخائر، خصوصاً سندھ اور کراچی میں پانی سے متعلق مسائل کے بارے میں بریف کیا او ر پانی سے متعلقہ مسائل کے حل کے لئے نئے منصوبہ کے بارے میں بریف کیا اور کہا کہ یہ منصوبہ سندھ اور پاکستان کے عوام کی تقدیر بدل دے گا۔
چئیرمین واپڈا نے بھی وزیرِ اعظم کو سندھ میں پانی سے متعلقہ مسائل کے حل کے لئے مجوزہ منصوبے کے بارے میں بریفنگ دی۔
اس موقع پر وزیرِ اعظم نے سندھ اور کراچی میں پانی سے متعلق مسائل کے حل کے لئے وزیرِ آبی وسائل اور چئیرمین واپڈا کی جانب سے پیش کردہ منصوبے کی منظوری دی۔
وزیرِ اعظم نے سندھ میں پانی کے مسئلے کے حل کے سلسلے میں موثر اور جامع منصوبہ پیش کرنے پر وزیرِ آبی وسائل محمد فیصل واؤڈا اور چیئرمین واپڈا کی کاوشوں کو سراہتے ہوئے کہا کہ منصوبے کا باضابطہ اعلان وزیرآبی وسائل کی جانب سے جلد کیا جائے گا۔
وی این ایس، اسلام آباد
