سکھر،23اپریل (اے پی پی) :سکھر میں کوروانا کی لوکل ٹرانسمیشن ، کرونا پھیلنے لگا، کورونا میں مبتلا 27 نئے مریضوں کا اضافہ ہوا ہے ۔ سکھر میں مقامی سطح پر بھی کیسز ظاہر ہونا شروع ہوگئے ہیں۔
سکھر انتظامیہ نے شہر کے تبلیغی مرکز کی انتظامیہ، روینیو، پولیس اور مختلف خاندانوں سمیت ر مختلف محکموں کے ملازمین کے کرونا ٹیسٹ کرائے ہیں، جن میں سے 43 ٹیسٹ میں سے 27 مثبت آئے ہیں۔
یوسف تبلیغی مرکز کی انتظامیہ کے 12 افراد میں سے 6 کے ٹیسٹ مثبت آئے ، روینیو کے 3میں سے 2 ملازمین کے ٹیسٹ مثبت نکلے،غلام رسول کی فیملی کے 6افراد میں سے 5 کے ٹیسٹ مثبت آئے، شفیق احمد کی فیملی کے چاروں افراد کرونا میں مبتلا نکلے جبکہ جی ایم سی کالج کے 7 میں سے 5 ملازمین کے ٹیسٹ مثبت آگئے۔ لیبارٹری ٹیسٹ کیمطابق محمد روشن کی فیملی کے 8 میں سے 5 افراد کرونا کے متاثرہیں۔متاثرین کو سکھر اور کراچی کے قرنطینہ سینٹروں میں منتقل کردیا گیا ہے
اے پی پی /اطہراللہ/قرۃالعین
