کوہلو،25 دسمبر(اے پی پی): لیویز فورس نے تحصیل کاہان کے علاقے سوراف میں کارروائی کرتے ہوئے تخریب کاروں کے ٹھکانے سے بھاری تعداد میں اسلحہ و گولا بارود برآمد کرلیا ہے۔
ڈپٹی کمشنر ممتاز کھیتران نے پریس کانفرنس کرتے ہوئے کارروائی سے متعلق بتایا کہ برآمد کیے گئے اسلحے میں اینٹی ائیر کرافٹ، ایک عدد گن ،5۔14 رونڈ 68 عدد،82 ایم ایم مارٹر رونڈ 2 عدد ،آر پی جی سیون رونڈ فیوز 11 عدد، ار پی جی 7 رونڈ 20 عدد،۔اینٹی پرسن بم 11 عدد،7,4 رونڈ کے 84 عدد سمیت بھاری تعداد میں گولا و بارود شامل ہے۔
انہوں نے بتایا کہ تخریب کاروں نے گزشتہ شب ایف سی کے چیک پوسٹ پر حملہ کیا تھا جس میں کوئی جانی نقصان نہیں ہوا تاہم لیویز نے علاقے میں سرچ آپریشن کیا۔جس دوران اسلحہ برآمد ہوا۔
انہوں نے کہا کہ اسلحہ صوبے میں تخریب کاری کے لئے استعمال ہونا تھا تاہم لیویز کی بروقت کارروائی نے صوبے کوبڑی تباہی سے بچا لیا ہے۔
ڈپٹی کمشنر ممتاز کھیتران نے کہا کہ علاقے میں تخریب کاروں کی سرکوبی کی جارہی ہے، جلد ملزمان کو گرفتار کرنے میں کامیاب ہونگے۔انہوں نے کہا کہ لیویز فورس نے قیام امن میں مثالی کردار ادا کیا ہے۔
