ملتان، 31 دسمبر ( اےپی پی): سال 2020 چائلڈ پروٹیکشن اینڈ ویلفیئر بیورو نے 386 بچوں کو حفاظتی تحویل میں لیا جبکہ 386 بچوں کو ہی لواحقین کی تلاش کے بعد ان کے حوالے کیا گیااور حفاظتی تحویل میں لئے گئے بچوں میں لاوارث، گمشدہ ،گھر سے بھاگے، بھیک مانگنے والے، عدم توجہی غفلت کا شکار، ایک نومولود لاوارث بچہ اور دیگر بچے شامل تھے بچوں کو دوران ریسکیو آپریشن اور چائلڈ ہیلپ لائن 1121 پر کال آنے پر ملتان شہر کے مختلف مقامات سے حفاظتی تحویل میں لیا گیا ۔ اس وقت چائلڈ پروٹیکشن بیورو سنٹر میں 50 سے زائد لاوارث بے آسرا بچے رہائش پذیر ہیں جن کو کھانے پینے کی بہترین سہولیات کے ساتھ ساتھ دیگر ضروریات احسن طریقے سے مہیا کی جارہی ہیں بچوں کی ذہنی تربیت و نفسیاتی کونسلنگ بھی کی جاتی ہے تاکہ یہ لاوارث بے آسرا بچے بھی معاشرے میں ایک مثبت کردار ادا کر سکیں۔
