اسلام آباد، 01 جنوری (اے پی پی ): وزیراعظم کے معاون خصوصی برائے اسٹیبلشمنٹ محمد شہزاد ارباب کی زیرِ صدارت، وزیراعظم اور وزرا کے مابین ہونے والے کارکردگی کے معاہدوں پر عملدرآمد سے متعلق اجلاس جمعہ کو یہاں منعقد ہوا ، اجلاس کا مقصد کارکردگی کے معاہدوں پر عملدرآمد کیلئے اس عمل کو ڈیجیٹائز کرنا تھا۔
اجلاس میں نیشنل انفارمیشن ٹیکنالوجی بورڈ نے کارکردگی کے معاہدوں اور وزارتوں کے سہ ماہی اور سالانہ اہداف پر مبنی ایک ڈیجیٹل پورٹل پیش کیا گیا۔اس کے علاوہ نیشنل انفارمیشن ٹیکنالوجی بورڈ کی ٹیم نے ڈیجیٹل پورٹل کے مختلف فیچرز پر تفصیلی بریفنگ دی گئی۔
معاون خصوصی شہزاد ارباب نے کا کہنا تھا کہ جنوری کے دوسرے ہفتے تک کارکردگی کے معاہدوں کا عمل مکمل طور پر ڈیجیٹائز ہو جائے گا،یہ پورٹل وزارتوں کے اہداف کا جائزہ مؤثر اور شفاف انداز میں لینے میں معاون ثابت ہو گا۔ وزارتیں اپنے اہداف کی تکمیل سے متعلق سٹیٹس اس ڈیجیٹل پورٹل پر اپ لوڈ کریں گی جبکہ وزیراعظم بھی اس پورٹل کے ذریعے وزارتوں کی کارکردگی کا جائزہ لےسکیں گے۔
