اسلام آباد۔20اپریل (اے پی پی):امیر البحر ایڈمرل محمد امجد خان نیازی سے آذربائیجان کے سفیرعلی علیزادہ نے ملاقات کی جس میں باہمی دلچسپی کے امور پر تبادلہ خیال کیا گیا۔ترجمان پاک بحریہ کے مطابق پاکستان میں تعینات آذرباٸیجان کے سفیر علی علیزادہ نے نیول ہیڈ کوارٹرز اسلام آباد کا دورہ کیا اور چیف آف دی نیول اسٹاف ایڈمرل محمد امجد خان نیازی سے ملاقات کی۔نیول چیف اور معزز مہمان نے خطے کی سیکیورٹی صورتحال اور دوطرفہ دفاعی تعاون کے فروغ پر بات چیت کی۔ معزز مہمان نے امن مشقوں کے انعقاد کے ذریعے دنیا بھر کے ممالک کو ایک پلیٹ فارم پر یکجا کرنے پر پاکستان بالخصوص پاک بحریہ کی تعریف کی۔
