اسلام آباد، 20اپریل، 2021اسپیکر قومی اسمبلی اسد قیصر سے گورنر پنجاب چوہدری محمد سرور کی ملاقات ہوئی ملاقات میں وزیر برائے بین صوبائی رابطہ ڈاکٹر فہمیدہ مرزا بھی موجود۔
ملاقات میں ملک کی مجموعی سیاسی صورتحال سمیت مغرب میں مسلمانوں کے مذہبی جذبات کو مجروح کرنے واقعات پر تفصیلی تبادلہ خیال اسپیکر اسد قیصر کا عالمی پارلیمنٹس کے اسپیکرز کو خطوط لکھنے کا فیصلہ A
اسپیکر قومی اسمبلی نے کہا کہ اظہار رائے کی آزادی کی آڑ میں توہین رسالت اور کسی کے مذہبی جزبات کو مجروح کرنے کی کوشش ناقابلِ قبول ہے،یورپ اور شمالی امریکہ سے تعلق رکھنے والے مسلم پارلیمنٹیرین سے رابطہ کیا جائے گا، ان سے کہا جائے گا کہ وہ اپنی متعلقہ پارلیمنٹس میں توہین رسالت کے مسئلے کو اٹھائیں، عالمی اسپیکرز / پریذائیڈنگ افسران کو خط لکھنے کا مقصد ہے ان کو مسلمانوں کے مذہبی جذبات کی گستاخی سے آگاہ کرنا ہے,مسلمانوں کے جذبات کو مجروح کرنے کے عمل کو ختم کرنے کیلئے عالمی پارلیمنٹ میں اس معاملے کو زیر بحث لانے کی ضرورت ہے، دوسرے کے مذہبی جذبات کا احترام کرنے سے بقائے باہمی کو فروغ دینے میں مدد ملے گی،یورپ ہولوکاسٹ کے بارے میں خاصا حساس ہے، جبکہ اسی وقت نبی اکرم صلی اللہ علیہ وسلم کے خلاف توہین آمیز باتوں سے مسلمانوں کے جذبات کو ٹھیس پہنچا ہے،
مغربی طاقتیں ہولوکاسٹ کے ساتھ ساتھ توہین رسالت کے لئے بھی اسی معیار کو اپنائیں، اظہار رائے کی آڑ میں مذہبی جذبات کو اس طرح نظر انداز کرنا قابل قبول نہیں ہے۔
