اسلام آباد،2جون (اے پی پی): سینیٹ کی قائمہ کمیٹی برائے صنعت و پیداوار کے چیئرپرسن کے انتخاب کیلئے سینیٹ کی خصوصی کمیٹی کا اجلاس بدھ کو پارلیمنٹ ہاؤس میں ہوا۔ کمیٹی کے چیئر پرسن کا انتخاب سینیٹ کے ضابطہ اخلاق اور ہاوس کے کارروائی کے قواعد 184 (1) 2021 کے تحت رائے شماری سے کیاگیا۔ سینیٹر فیصل سبزواری سینیٹ کی قائمہ کمیٹی برائے صنعت و پیداوار کے متفقہ طور پر چیئرمین منتخب ہوئے۔ چیئرمین شپ کیلئے سینیٹر انعام الدین شوقین اور سینیٹر شمیم آفریدی نے انکا نام تجویز کئے جس کی سب نے حمایت کی۔
