اوکاڑہ،12جون(اے پی پی ):صوبائی وزیرجنگلی حیات ماہی پروری و اشتمال اراضی/ کنوینیئر ڈسٹرکٹ کو آرڈنیشن کمیٹی پیر سید صمصا م علی شا ہ بخاری نے کہا ہے کہ پاکستان تحریک انصاف نے مشکل حالات میں حکومت سنبھا لی لیکن وزیر اعظم عمران خان کی قیادت میں ملک میں ایک میرٹ،شفافیت کے کلچر کی بنیاد رکھی جس کو وزیر اعلی سردار عثمان بزدار نے آگے بڑھایا، پنجاب میں تعمیر و ترقی کے ایک نئے باب کا آغاز ہوا ہے ، پسماندہ علاقوں کو خصوصی توجہ دی گئی اور وسائل کا رخ دور افتادہ دیہات اور قصبات کی طرف موڑا گیا، حکومتی کاوشوں اور وسائل کے ثمرات کو عوام تک پہنچانے کے لئے انتظامی افسران اور تعمیر اتی محکمے بھر پور اقدامات کریں تاکہ لوگوں کے وسائل حل ہو ں تاکہ علاقائی محرومی کا ازالہ ہو سکے۔
ان خیالات کا اظہار انہوں نے ڈسٹر کٹ کوارڈینیشن کمیٹی کے اجلاس کی صدارت کرتے ہوئے کیا۔ اس مو قع پر اجلاس کو سالانہ ترقیاتی پروگرام 2020/21 سے متعلق بریفنگ دیتے ہوئے بتایا گیا کہ ضلع میں ہائیرایجوکیشن، سپیشل ایجوکیشن، سپورٹس اور امور نوجواناں،لوکل گورنمنٹ،پبلک ہیلتھ، سٹرکات،انہار،محکمہ بلڈنگ،اوقاف،نکاسی آب و فراہمی آب کے 80 منصوبوں پر کام ہو رہا ہے جس پر 7 ہزار 605 ملین روپے خرچ ہونگے، ان جاری سکیموں پر 5 ہزار 552 ملین روپے خرچ ہو چکے ہیں۔
صوبائی وزیر پیر سید صمصا م علی شا ہ بخاری نے کہا کہ اب ترقی کا سفر شروع ہو چکا ہے وزیر اعظم عمران خان اور وزیر اعلی سردار عثمان بزدار کی قیادت میں یہ سفر جاری و ساری رہے گا۔ انہوں نے کہا کہ انشاء اللہ پنجاب میں ایسے پروگرام شروع کئے جا رہے ہیں جس کی تکمیل سے دن دوگنی اور رات چوگنی ترقی ہو گی۔ انہوں نے کہا کہ میر ٹ شفافیت کی بدولت یہ تمام منصوبے نہ صرف پائیدار ہونگے بلکہ عرصہ دراز تک علاقائی ضرورتوں کو بھی پورا کیا جا سکے گا۔
صوبائی وزیر نے ترقیاتی محکموں کے افسران کو ہدایات کی کہ وہ تعمیراتی میٹریل کی کوالٹی پر کوئی سمجھوتہ نہ کریں سکیمیں مکمل کرتے وقت کسی دباؤ کو خاطر میں نہ لایا جائے صرف میرٹ،شفافیت اورعوامی مفادکو فوقیت دی جائے۔
