اسلام آباد، 22 جون (اےپی پی): اسپیکر قومی اسمبلی اسد قیصر سے قطر کے سفیر عبدالرحمان بن فیصل التھانی نے ملاقات کی۔ ملاقات میں دوطرفہ تعلقات سمیت باہمی دلچسپی کے اہم امور پر تبادلہ خیال کیا گیا۔ اس موقع پر اسپیکر اسد قیصر نے کہا کہ پاکستان اور قطر مذہب، اخوت، بھائی چارے، بردرانہ اور دوستانہ تعلقات کے لازوال رشتوں میں بندھے ہوئے ہیں۔مسلم اُمہ کو درپیش چیلنجز سے نمبٹے کے لیےمسلم ممالک کے مابین یکجہتی ضروری ہے۔اسلامو فوبیا کے خلاف موثر آواز اٹھانے کے لیےمسلم اُمہ کے مابین اتفاق و اتحاد وقت کی اہم ضرورت ہے۔دونوں ممالک اپنی جغرافیائی اہمیت کو بروے کار لاکر معاشی استحکام حاصل کر سکتے ہیں۔
قطری سفیر عبدالرحمان بن فیصل التھانی نے کہا کہ قطر پاکستان کے ساتھ اپنے دوستانہ اور برادرانہ تعلقات کو قدر کی نگاہ سے دیکھتا ہے۔قطر پاکستان کے ساتھ دو طرفہ تعلقات کو مزید تقویت دینا چاہتا ہے۔پاکستان نے کورونا وباء پر قابو پانے کے لیے بہتری حکمت عملی اپنائی ہے۔
انہوں نے مزید کہا کہ قطر پاکستان کو 10لاکھ کورونا ویکسین فراہم کرے گا۔
