اسلام آباد،24جون(اے پی پی):وزیرِ اعظم عمران خان سے ارکانِ قومی اسمبلی نے جمعرات کو یہاں ملاقات کی،ملاقات میں ملکی سیاسی صورتحال، بجٹ میں عوام کے ریلیف اور صنعتوں کی سہولت و ترقی کیلئے شامل اقدامات پر گفتگو کی گئی۔
ملاقات کرنے والوں میں مشیرِ تجارت و سرمایہ کاری عبدالرزاق داؤد، معاونِ خصوصی برائے سیاسی امور ملک عامر ڈوگر، ارکانِ قومی اسمبلی عاصم نذیر، رضا نصراللّہ گھمن، خرم شہزاد اور صنعت کار شاہد نذیر شامل تھے۔
ممبر قومی اسمبلی عاصم نذیر نے وزیرِ اعظم کو ٹیکسائل شعبے سے متعلقہ معاملات ، خصوصاََ موجود حکومت کے اقدامات کے نتیجے میں ٹیکسٹائل کے شعبہ جات کا فروغ اور ترقی، برآمدات میں ٹیکسائل شعبے کے کردار سے متعلق تفصیلی بریف کیا اور ٹیکسائل شعبے کی مزید بہتری و فروغ کے حوالے سے حل طلب معاملات اور تجاویز بھی وزیر اعظم کو پیش کیں۔
