اسلام آباد، 27اگست (اے پی پی ): وزیرِ اعظم عمران خان سے اراکینِ قومی اسمبلی میر خان محمد جمالی، صداقت علی عباسی اور وزیرِ توانائی پنجاب ڈاکٹر اختر ملک نے جمعہ کو یہاں ملاقات کی۔ملاقات میں بلوچستان میں پارٹی کی تنظیمِ نو اور بلوچستان کی سیاسی صورتحال پر گفتگو کی گئی ۔ میر خان محمد جمالی نے وزیرِ اعظم کو پی ایس ڈی پی میں بلوچستان کیلئے ریکارڈ فنڈز کی فراہمی پر شکریہ ادا کیا جبکہ وزیرِ توانائی پنجاب نے وزیرِ اعظم کو صوبے میں توانائی کے مسائل کے تدارک کیلئے اٹھائے گئے اقدامات سے آگاہ کیا۔
معاونِ خصوصی ملک عامر ڈوگر، سینیٹر سیف اللہ نیازی اور رکنِ قومی اسمبلی عامر محمود کیانی بھی ملاقات میں شریک تھے ۔
