اسلام آباد،24جنوری (اے پی پی): جسٹس عائشہ ملک نے سپریم کورٹ کی پہلی خاتون جج کی حیثیت سے حلف اٹھا لیا ہے۔
پیر کو یہاں سپریم کورٹ میں چیف جسٹس آف پاکستان جسٹس گلزار احمد نے جسٹس عائشہ ملک سے حلف لیا۔حلف برداری کی تقریب میں عدالت عظمی کے ججز، اٹارنی جنرل اور وکلاء نے بڑی تعداد میں شرکت کی ۔
واضح رہے کہ جسٹس عائشہ ملک اس سے پہلے لاہور ہائیکورٹ میں بطور جج تعینات تھیں ، جوڈیشل کمیشن کی سفارش پر پارلیمانی کمیٹی برائے ججز تقرری نے جسٹس عائشہ ملک کی بطور سپریم کورٹ جج تقرری کی منظوری دی تھی ،جسٹس عائشہ ملک کی بطور سپریم کورٹ جج تعیناتی کی منظوری بابت وزارت قانون و انصاف نے سمری صدر مملكت کو ارسال کی تھی، صدر مملكت کی منظوری کے بعد وزارت قانون انصاف نے 21 جنوری 2021 ء کو جسٹس عائشہ ملک کی بطور سپریم کورٹ جج تعیناتی کا نوٹیفکیشن جاری کیا تھا ۔
