بہاولنگر،7 اگست ( اے پی پی ): 8 محرم الحرام کے موقع پر مہندی اور جھولے کا خواتین کا روایتی ماتمی جلوس امام بارگاہ باب علی امیر کوٹ سے برآمد ہوا۔ جلوس میں خواتین ، بچوں ، عزاداران کی بڑی تعداد شریک ہوئی۔ نوحہ خوانی پر سینہ کوبی ،زنجیر زنی، ماتم داری کا سلسلہ جاری رہا،جلوس کے راستے میں پانی شربت دودہ کی سبیلیں بھی لگائی گئیں ہیں۔
جلوس کی سکیورٹی کے سخت انتظامات کیلئے بھاری نفری تعینات رہی، جلوس کے روٹ پر اسنائپر تعینات کئے گئے ہیں جبکہ روڈز ٹریفک کےلئے بند کئے گئے۔ پولیس لائن اور ڈی سی آفس میں قائم کنٹرول سے جلوس کی مانیٹرنگ کی گئی۔ جلوس اپنے روایتی راستوں سے ہوتا ہوا جامعتہ الزھراہ امام بارگاہ پہنچ کر پرامن طور پر اختتام پذیر ہوگیا۔
