چنیوٹ،07 اگست (اے پی پی): ضلع بھر میں 08 محرم الحرام کے جلوس،مجالس پر سخت سیکیورٹی انتظامات،ضلع چنیوٹ میں 08 محرم الحرام کو 23 جلوس، 73 مجالس کا انعقاد ہو رہا ہے۔ مجالس،جلوسوں پر چنیوٹ پولیس کے 7 سو زائد پولیس افسران و جوان سیکیورٹی کے فرائض سرانجام دے رہے ہیں۔ سپروائزری افسران مجالس،جلوسوں پرسیکیورٹی انتظامات کا جائزہ لے رہے ہیں۔
اس حوالے سے ڈی پی او چنیوٹ کا کہنا تھا کہ مجالس،جلوسوں پر فور لیئر سیکیورٹی انتظامات کو یقینی بنایا جا رہا ہے اہم پوائنٹس پر چھتوں پر مسلح جوان تعینات کئے گئے ہیں۔حساس علاقوں میں ایلیٹ ٹیمیں گشت کر رہی ہیں سرویلنس وہیکلز، سی سی ٹی وی کیمروں، کنٹرول روم کے ذریعے مجالس، جلوسوں کی مانیٹرنگ کی جا رہی ہے۔
مجالس،جلوسوں میں شرکت کرنے والوں کی واک تھرو گیٹس، زگ زیگ بیریئرز، میٹل ڈٹیکٹر، فزیکل چیکینگ کی جا رہی ہے۔ محرم الحرام کے حوالے سے حکومتی ضابطہ اخلاق پر عملدرآمد یقینی بنایا جا رہا ہے تمام وسائل بروئے کار لاتے ہوئے امن وامان برقرار رکھا جائے گا۔
