کو ئٹہ۔13اگست (اے پی پی) وفاقی وزیرداخلہ احسن اقبال نے کہاہے کہ کوئٹہ میں خودکش حملے میں سیکورٹی اہلکاروں اورشہریوں کی شہادت پر دلی افسوس ہوا۔وفاقی حکومت صوبائی اورسیکورٹی ادارے دہشت گردی کے خاتمے کے لیے متحد ہےں۔2013 سے قبل دہشت گرد چڑھائی پرتھے اورریاست اترائی پرتھی آج ریاست چڑھائی پرہے جبکہ دہشت گرد اترائی ہےں عوام کے تعاون سے دہشت گردی کے خلاف جنگ جیتیںگے۔ان خیالات کااظہارانہوںنے اتوارکو کوئٹہ میں وزیراعلیٰ نواب ثنائاللہ خان زہری کے ہمراہ پریس کانفرنس سے خطاب کرتے ہوئے کیا۔اس موقع پر صوبائی وزیرداخلہ بلوچستان سرفرازبگٹی،سیکرٹری داخلہ بلوچستان ڈاکٹراکبرحریفال،آئی جی پولیس احسن محبو ب بھی موجودتھے۔وفاقی وزیرداخلہ احسن اقبال نے کہاکہ خودکش حملے کے بعد سابق وزیراعظم پاکستان محمد نوازشریف نے مجھے اوروزیراعلیٰ بلوچستان کوفوری طورپرکوئٹہ پہنچنے کی ہدایات کی۔انہوںنے کہاکہ 2013 سے دہشت گرد ی کے خلاف مضبوط ایجنڈ ے کے تحت قد م بڑھا ئے دشمن اس طرح بزدلانہ حملوں سے ہمارے عزم کو کمزورنہیں کرسکتے بلکہ اس طرح کے ہرواقع کے بعد ہمارا عزم مزید مضبوط ہوجاتاہے۔وفاقی حکومت تمام صوبوں کے ساتھ اپنا تعاون جاری رکھے گا۔دہشت گردی ہم سب کا مشترکہ مسئلہ ہے جس کے خلاف جنگ ٹیم ورک کے ذریعے ہی جیت سکتے ہیں ہمارادشمن انتہائی چالاک ہے مگراس کے ہرعکس ہمیں اتحاد کے ساتھ اسکا مقابلہ کرناہوگاوہ قوتیں جو اندرونی اتحاد توڑنے کی کوشش کررہیں وہ ملک کی وفادار نہیں ہوسکتی۔انہوںنے کہاکہ کچھ سیاسی عناصر ملک کو اندر سے کمزورکرنے کی کوششوں میں مصروف ہےںحالانکہ یہ وقت ایک دوسرے کونیچا دیکھانے کا نہیںبلکہ دشمنوں کویکجہتی دیکھانے کاہے۔وفاقی وزیرداخلہ احسن اقبال نے اپوزیشن جماعتوں سے اپیل کی ہے کہ وہ دہشت گردی کوشکست دینے کے لیے حکومت کے ساتھ ملکر اپناکرداراداکرےں۔انہوںنے کہاکہ اس وقت پاکستان حالت جنگ میں ہے ہمیں سیاسی اختلافات کوبالائے طاق رکھ کر ملک کے مفادات کے لیے سوچنا ہوگا۔انہوںنے کہاکہ دشمن کی کمر ٹوٹ چکی ہے جس کی وجہ سے وہ بزدلانہ کارروائیوں میں مصروف ہے۔انہوںنے کہاکہ گزشتہ 4 برسوں میں دہشت گردی کے خلاف اہم کامیابیاں ملی ہیں تاہم چند ایک واقعات ہوجاتے ہیں مگر ہمارادشمن یہ نہیں جانتاکہ ہرواقعے کے بعد ہمارا عزم مزید پختہ ہوجاتاہے پاکستان کی ترقی کے لیے پہلی شرط امن وامان کاقیام ہے۔انہوںنے کہاکہ سابق وزیراعظم محمدنوازشریف نے سیکورٹی ادارو ں کے ساتھ ملکر مختلف آپریشنوں کے ذریعے دہشت گردوں کوانکے انجام تک پہنچایاہے۔وفاقی وزیرداخلہ احسن اقبال نے کہاکہ 2013 میں ہمیں چار چیلجز کاسامناہے جس میں ٹارگٹ کلنگ،رہیزنی،اغوائبرائے تا ¶ان اوردہشت گردی تھیں آج تین محاذو ں پرہم فیصلہ کن مرحلے میں داخل ہوچکے ہیں جبکہ دہشت گردی کے خلاف بھی کافی حدتک کامیابی ملی ہے تاہم چند واقعات بزدل دشمن کرنے میں کامیاب ہوجاتاہے، امریکہ اوریورپی یونین جب سپرپاور ممالک میں بھی دہشت گردی کے چند ایک واقعات ہوجاتے ہیں۔وفاقی وصوبائی حکومتیں اورسیکورٹی ادارے بچے کھچے دہشت گردوں کوختم کرنے کے لیے برسرپپکار ہےں۔انہوںنے کہاکہ دوسرے ممالک میں تربیت حاصل کرنے والے دہشت گر د پاکستان میں کارروائیاں کررہے ہیں جس کے خلاف اتحاد کی ضرورت ہے عوام اپنے آس پاس نظررکھیں کسی بھی مشکوک چیز یافرد کی اطلاع فوری طورپر سیکورٹی اداروں کودیں تاکہ ہم اپنے پیارے وطن کو امن کاگہوارہ بناسکیں۔انہوںنے کہاکہ کوئٹہ میں وفاقی صوبائی حکومت اورسیکورٹی اداروں کی اعلیٰ سطحی اجلاس میں اہم فیصلے کئے گئے ہیں۔وزیراعلیٰ بلوچستان نواب ثنائاللہ خان زہری نے پریس کانفرنس سے خطاب کرتے ہوئے کہاکہ کوئٹہ میں دہشت گردی کے واقعے کی شدید الفاظ میں مذمت کرتاہوں تاہم ماضی کے مقابلے میں امن قائم ہوابزدل دشمن چند ایک واقعات میں کامیاب ہوجاتے ہیں۔ جہاں کوئی جانے کاسوچ سکتاتھا وہاں ہم نے جاکر دہشت گردی کوغاروں سے نکال کرکارروائی کی سیکورٹی اداروں کے ساتھ ملکر بچے کھچے دہشت گردوں کوکیفرکردارپہنچادینگے۔انہوںنے کہاکہ عوام کوتحفظ فراہم کرناہماری ذمہ داری ہے بلوچستان میں دہشت گردی کے واقعات میں کمی اورقیام امن کا کریڈٹ سابق وزیراعظم محمد نوازشریف کوجاتاہے۔صوبائی وزیرداخلہ بلوچستان سرفرازبگٹی نے پریس کانفرنس سے خطاب کرتے ہوئے کہاکہ ہمارے سیکورٹی ادارے چوکنا ہےں گزشتہ شب خودکش دھماکے میں فوجی جوانوں سمیت 14 افراد شہد جبکہ 46 زخمی ہوگئے خودکش حملہ آورکے سراورجسم کے اعضائکوپنجاب فرانزک لیبارٹری بیجوادیاہے ایک سوال کے جواب میں کہاکہ یہ سیکورٹی لپیس نہیں کیونکہ بلوچستان کے بارڈر سے روانہ دس سے بارہ ہزارافراد بغیر دستاوزات کے آتے جاتے ہیں۔صوبائی وزیرداخلہ نے کہاکہ بارڈ ر مینجمنٹ پرخصوصی توجہ دی جارہی ہے۔ایک اورسوال جواب میں کہاکہ ہمیںسیکورٹی تھریٹس موجودتھے اوراپنے طورپر تمام ممکن اقدامات اٹھائے تھے دہشت گردی اس واقع کی تمام پہلو ¶ں سے تحقیقات کی جارہی ہے اورملوث عناصرکو کیفرکردارتک پہنچایاجائے گا۔(وی این ایس
