اسلام آباد، 06 دسمبر(اے پی پی ):پاکستان نیوی وار کالج لاہور میں چھٹی میری ٹائم سیکیورٹی ورکشاپ کی افتتاحی تقریب کا انعقاد کیا گیا۔کمانڈنٹ پاکستان نیوی وار کالج رئیر ایڈمرل جاوید اقبال تقریب کے مہمان خصوصی تھے ۔
ترجمان پاک بحریہ کے مطابق ورکشاپ پاکستان نیوی کے زیر اہتمام “محفوظ سمندر خوشحال پاکستان” کے عنوان کے تحت منعقد کی جا رہی ہے ۔ورکشاپ کا مقصد میری ٹائم سیکیورٹی اور بلیو اکانومی کے حوالے سے آگہی کا فروغ اور پالیسی سازی میں معاونت ہے۔
ورکشاپ کے شرکاء میں سینیٹرز، پارلیمنٹیرینز ، بیوروکریٹس، ماہرین تعلیم، کاروباری اور میڈیا سے وابستہ شخصیات شامل ہیں ۔
