اسلام آباد، 3 جنوری (اے پی پی) انٹربینک میں آج بدھ کے روز پاکستانی روپے کی قدر میں امریکی ڈالر کے مقابلے میں 17 پیسے کا اضافہ دیکھا گیا اور گزشتہ روز کے 281.89 روپے کے مقابلے میں 281.72 روپے پر ٹریڈ ہوا۔ تاہم، فاریکس ایسوسی ایشن آف پاکستان (FAP) کے مطابق اوپن مارکیٹ میں ڈالر کی خرید و فروخت کی شرح بالترتیب 280.5 روپے اور 283 روپے رہی۔
اسٹیٹ بینک آف پاکستان (SBP) کے مطابق یورو کی قیمت گزشتہ رو ز کے 310.81 روپے کے مقابلے میں 2روپے 19 پیسے کی کمی کے ساتھ 308.62 روپے رہی جبکہ جاپانی ین 02 پیسے کم ہو کر 1.97 روپے پر بند ہوا۔
برطانوی پاؤنڈ کی شرح تبادلہ میں 3 روپے 10 پیسے کی کمی دیکھی گئی، جو گزشتہ روز کے 359.34 روپے کے مقابلے میں 356.24 روپے پر ٹریڈ ہوا جبکہ اماراتی درہم اور سعودی ریال کی شرح تبادلہ 05 اور 04 پیسے کی کمی سے بالترتیب 76.70 روپے اور 75.12 روپے رہی ۔
