اسلام آباد،05جنوری(اے پی پی):رواں ہفتے کے دوران اسلام آباد سمیت پنجاب،خیبر پختونخوا اور بالائی سندھ کے میدانی علاقے شدید دھندکی لپیٹ میں رہیں گے ۔ محکمہ موسمیات نے شہریوں کو محتاط رہنے کی ہدایت کی ہے۔
جمعه کو ملک کے بیشتر علاقوں میں موسم سرد اور مطلع جزوی ابر آلود جبکہ شمالی علاقوں میں شدید سرد رہے گا ۔ پنجاب کے بعض میدانی علاقوں میں دھند/ سموگ چھائے رہے گی۔ شمال مشرقی /زیریں بلوچستان اور بالائی سندھ میں چند مقا مات پر مطلع ابر آلود رہنے کے ساتھ بارش/پہاڑوں پر برفباری کا امکان ہے۔
ہفتہ کو ملک کے بیشتر علاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد رہے گا ۔ پنجاب، بالائی سندھ اور خیبر پختونخواکے میدانی علاقوں میں شدید دھند/ سموگ چھائے رہے گی۔ جبکہ خطہ پوٹھوہار میں صبح کے اوقات میں کہرا پڑنے کا امکان ہے۔
گزشتہ 24 گھنٹوں کے دوران ملک کےبیشتر علاقوں میں موسم سرد اور خشک جبکہ شمالی علاقوں میں شدید سرد رہا۔ اسلام آباد سمیت پنجاب،خیبر پختونخوا اور بالائی سندھ کے میدانی علاقے شدید دھند /سمو گ کی لپیٹ میں رہے۔ تاہم بلوچستان کے بعض اضلاع میں تیز ہواؤں اور گرج چمک کے ساتھ بارش ہوئی۔
بلوچستان میں اور ماڑہ 28، قلات 18، کوئٹہ(شیخ ماندہ 15، سمنگلی 14)، پسنی 07، خضدار 05، جیوانی 03، دالبندین 02، پنجگور 01، سندھ:جیکب آباد اور خیر پور میں 01 ملی میٹر بارش ریکارڈ ہوئی۔
آج ریکارڈ کیے گئے کم سے کم درجہ حرارت کے مطابق لہہ میں منفی 11،اسکردومنفی 09،کالام،گوپس منفی 05، گلگت،ہنزہ، استور اور سری نگر میں منفی 03ڈگری سینٹی گریڈ ریکارڈ کیا گیا۔
