راولپنڈی ، 08 فروری(اے پی پی):وزیر داخلہ ڈاکٹر گوہر اعجاز نے اڈیالہ روڈ پر قائم پولنگ اسٹیشن کا دورہ کیا۔اس موقع پر سیکریٹری داخلہ بھی ہمراہ تھے۔
وزیر داخلہ نے دورے کے دوران پولنگ کےعمل کا جائزہ لیا اور ووٹروں سے بات چیت بھی کی۔وزیر داخلہ نے کہا کہ ووٹ ہمارا قومی فریضہ ہے اسے ہر شہری کو انتہائی ذمہ داری سے ادا کرنا چاہیئے،نگران حکومت اپنے فرائض کی ادائیگی کے آخری مرحلے میں ہے۔انہوں نے کہا انشاللہ جلد عوام کے منتخب نمائندے حکومت کی باگ دوڑ سنبھال لیں گے۔
وزیر داخلہ ڈاکٹر گوہر اعجاز نے الیکشن کمیشن اور انتظامیہ کی جانب سے لئے گئے اقدامات کو سراہا۔
