کوئٹہ، 08 فروری (اے پی پی):نگراں وزیر اعلیٰ بلوچستان میر علی مردان خان ڈومکی نے کہاہے کہ بلوچستان بھر میں عام انتخابات کا عمل پر امن طور پر جاری ہے ،عوام اپنا حق رائے دہی استعمال کررہے ہیں، بلوچستان نگراں حکومت نے امیدواروں اور ووٹرز کے تحفظ کے لئے جامع سیکورٹی پلان تشکیل دیا ہے۔
ان خیالات کااظہارانہوں نے کوئٹہ میں قائم پولنگ اسٹیشن کےدورے کے موقع پر افسران سےبات چیت کرتے ہوئےکیا نگران وزیر اعلیٰ بلوچستان میر علی مردان خان ڈومکی نے کہاکہ سکیورٹی کے لئے پاک فوج ، ایف سی، پولیس اور لیویز کے جوان تعینات ہیں۔
نگران وزیر اعلیٰ بلوچستان نے کہا کہ ذاتی طور پر انتخابی عمل میں تمام تر صورتحال کا جائزہ لے رہا ہوں انتخابات کا عمل صاف شفاف اور پرامن طور پر پایا تکمیل کو پہنچے گا۔
