لاہور، 10فروری(اے پی پی): وزیر اعلیٰ پنجاب محسن نقوی نے پنجاب سیف سٹیز اتھارٹی کے ہیڈ آفس کا دورہ کیا اور ڈیجیٹل وال کے ذریعے مانیٹرنگ کے عمل کا جائزہ لیا۔
وزیراعلیٰ محسن نقوی نے فیصل آباد، گوجرانوالہ اور راولپنڈی کے سیف سٹی پراجیکٹس کے ساتھ منسلک کیمروں کے ذریعے تینوں شہروں میں مانٹیرنگ سسٹم کا معائنہ بھی کیا۔ وزیراعلیٰ محسن نقوی نے سیف سٹیز اتھارٹی کے عملے کے ساتھ مصافحہ کیا اورموثر مانیٹرنگ پر شاباش دی۔
وزیراعلیٰ محسن نقوی نے اینٹی گریٹڈ کمانڈ،کنٹرول اینڈ کمیونیکشن سینٹر کا وزٹ کیا اورکمیونیکشن آفیسرزکے ساتھ گفتگو کی. وزیراعلیٰ محسن نقوی نے ڈیٹا سینٹر کا بھی دورہ کیا۔
اس موقع پر ایم ڈی پنجاب سیف سٹیز اتھارٹی احسن یونس نے وزیر اعلی پنجاب کو مانیٹرنگ سسٹم کے بارے میں بریفنگ دی ۔ بعد ازاں وزیراعلیٰ محسن نقوی کی زیر صدارت اجلاس منعقد ہوا جس میں عام انتخابات کے حوالے سے بہترین انتظامات اورموثر سکیورٹی پلان پراطمینان کا ا ظہار کیا گیا۔
وزیراعلی پنجاب نے گفتگو کرتے ہوئے کہا کہ کابینہ کمیٹی امن وامان، انتظامیہ،پولیس اور قانون نافذ کرنے والے اداروں کوخراج تحسین پیش کرتا ہوں۔ پنجاب بھر میں پرامن ماحول میں لوگوں نے حق رائے دہی استعما ل کیا۔ پوری ٹیم نے شفاف،آزادانہ اورمنصفانہ انتخابات کرانے کی قومی ذمہ داری بطریق احسن نبھائی ہے۔
وزیراعلیٰ محسن نقوی نے کہا کہ اللہ تعالیٰ کے فضل و کرم اور پنجاب حکومت کی شبانہ روز محنت کے باعث عام انتخابات کااہم مرحلہ پرامن گزرا- بخیر و عافیت اور پرامن طریقے سے الیکشن کے انعقاد پر اللہ تعالی کے حضور سربسجود ہیں۔انہوں نے کہا کہ پولیس، انتظامیہ اور قانون نافذ کرنے والے اداروں نے مل کر امن وامان کی فضا کو برقرار رکھا۔ لاہور سمیت پنجاب کے ہر شہر میں بہترین سکیورٹی انتظامات کئے گئے۔
انسپکٹر جنرل پولیس، سیکرٹری داخلہ،سی سی پی او لاہور، ایم ڈی پنجاب سیف سٹیز اتھارٹی اور متعلقہ حکام بھی اس موقع پر موجود تھے۔
