اسلام آباد،22 فروری (اے پی پی):قومی اسمبلی سیکرٹریٹ میں نو منتخب معزز ممبران قومی اسمبلی کے لیے فیسیلیٹیشن سینٹر قائم کر دیا گیا ہے جو مکمل طور پر فعال ہے۔فیسیلی ٹیشن سینٹر قومی اسمبلی کی کمیٹی روم نمبر 2 میں قائم کیا گیا ہے جہاں نو منتخب معزز ممبران قومی اسمبلی کی آمد کا سلسلہ جاری ہے، فیسیلی ٹیشن سینٹر میں نو منتخب معزز ممبران قومی اسمبلی کی رجسٹریشن کے علاؤہ کارڈز اور دیگر ضروری دستاویزات کے لیے فوٹو بنائے جا رہے ہیں،
فیسیلی ٹیشن سینٹر آج بروز پیر سے قومی اسمبلی کے افتتاحی اجلاس تک صبح 10 بجے سے سہ پہر 3 بجے تک نو منتخب معزز ممبران قومی اسمبلی کی رجسٹریشن کیلئے کھلا رہے گا،نو منتخب معزز ممبران سے ممکنہ رش کے باعث ہونے والی دشواری سے بچنے کیلئے فیسیلیٹیشن میں بروقت تشریف لانے کی درخواست ہے،نو منتخب معزز ممبران قومی اسمبلی رجسٹریشن کے لیے اپنے قومی شناختی کارڈ سمیت دیگر ضروری دستاویزات ہمراہ رکھیں۔
