پشاور،6 مارچ(اے پی پی): خیبرپختونخوا کابینہ کے 15 ارکان نے بحیثیت صوبائی وزراء اپنے عہدے کا حلف اٹھا لیاہے ۔گورنر ہاؤس پشاور میں آج صوبائی وزراء کی تقریب حلف برداری منعقد ہوئی جسمیں صوبائی کابینہ کے 15 ارکان نے بحیثیت صوبائی وزراء اپنے عہدے کا حلف اٹھا لیا۔گورنر خیبرپختونخوا حاجی غلام علی نے صوبائی وزراء سے ان کے عہدے کا حلف لیا۔وزیراعلیٰ خیبرپختونخوا علی امین خان گنڈاپور بھی تقریب حلف برداری میں شریک تھے۔
بحیثیت صوبائی وزیر حلف لینے والوں میں ارشد ایوب خان، شکیل احمد، فضل حکیم خان، محمدعدنان قادری، عاقب اللہ خان، محمدسجاد، مینا خان، فضل شکور، نذیراحمد عباسی، پختون یارخان،آفتاب عالم خان آفریدی، خلیق الرحمن، سید قاسم علی شاہ، فیصل خان ترکئی اور محمد ظاہر شاہ شامل ہیں۔
گورنر خیبرپختونخوا حاجی غلام علی نے صوبائی وزراء کو مبارکباد دی اور نیک تمناؤں کا اظہار کیا۔تقریب میں اراکین قومی وصوبائی اسمبلی،اسپیکر صوبائی اسمبلی،چیف سیکرٹری ندیم اسلم چوہدری، انسپکٹر جنرل پولیس اختر حیات خان گنڈا پور،انتظامی محکموں کے سربراہان سمیت دیگر سیاسی وسماجی شخصیات نے شرکت کی۔
