اسلام آباد،11 مارچ(اے پی پی):آئندہ چوبیس گھنٹوں کے دوران ملک کے بیشتر علاقوں میں موسم سرد اور مطلع ابر آلودرہے گا۔ تاہم شمالی/شمالی مشرقی بلوچستان، گلگت بلتستان،بالائی خیبر پختونخوا،وسطی /جنوبی پنجاب، کشمیر اور ملحقہ پہاڑی علاقوں میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم خشک اور مطلع جزوی ابر آلود جبکہ شمالی علاقوں میں سردرہا ۔تاہم بلوچستان، بالائی سندھ اورجھنگ میں چند مقامات پر بارش ہوئی۔
سب سے زیادہ بارش دالبندیں میں 18، قلات 06، کوئٹہ 05 ، لسبیلہ 03 جبکہ جھنگ میں01 ملی میٹر بارش ریکارڈ کی گئی۔
آج ریکارڈ کیے گئے کم سے کم درجہ حرارت کے مطابق کالام میں منفی 04، استور منفی02، اسکردو اور ہنزہ میں منفی01 ڈگری سینٹی گریڈ ریکارڈ کیا گیا۔
