لاہور11مارچ:( اے پی پی ) وزیراعلیٰ پنجاب مریم نوازشریف کی زیر صدارت اعلیٰ سطح کا اجلاس شہریوں کی سہولت کیلئے ٹرانسپورٹ پراجیکٹ کا جائزہ لیا گیا ۔اجلاس کے شرکاء کو پنجاب میں 20ہزار الیکٹرک بائیکس اور 657ماحول دوست اربن بس پراجیکٹ پر تفصیلی بریفنگ دی گئی ۔وزیر اعلیٰ مریم نواز شریف نے الیکٹرک بائیکس پر طلبہ کے لئے ایڈوانس کی رقم کم کرنے کی ہدایت کی اور کہا کہ عوام کی تکلیف کا ازالہ حکومت کی زمہ داری ہے۔ عوام معاشی مشکلات کا سامنا کررہے ہیں ، حکومت کو بوجھ اٹھا نا ہو گا۔ اجلاس کو بریفنگ کے دوران بتایا گیا کہ پہلے مرحلے میں لاہور ، راولپنڈی ،فیصل آباد اور بہاولپور سمیت دیگر شہروںمیں ڈیزل ہائبرڈ ری جنریٹڈ بسیں چلائی جائیگی ،9مئی سے بائیک پراجیکٹ لانچ ہوگا، مئی میں ہی ڈیلوری شروع ہو جائے گی۔ وزیر اعلیٰ مریم نواز شریف نے ہر تحصیل میں طالبات کے لئے سکول بس پراجیکٹ تیار کرنے کا حکم دیا اوربڑے شہروں میں آمد ورفت کی بہترین سہولتوں کیلئے 657بسوں کی فراہمی کے پلان منظور کیا اوروزیر ٹرانسپورٹ کو مانیٹرنگ کی ہدایت بھی کی۔سینئر صوبائی وزیر مریم اورنگزیب،صوبائی مشیر پرویز رشید،وزیر اطلاعات عظمی زاہد بخاری،وزیرٹرانسپورٹ بلال اکبر خان ،ایم پی اے ثانیہ عاشق، چیف سیکرٹری،چیئرمین پی اینڈ ڈی،سیکرٹری ٹرانسپورٹ،سیکرٹری فنانس،ایم ڈی ٹی پی آر اے،صدر بینک آف پنجاب،پنجاب ٹرانسپورٹ کمپنی کے سی ای او،پنجاب ماس ٹرانزٹ اتھارٹی کے ایم ڈی اوردیگر متعلقہ حکام نے شرکت کی ۔
