لاہور، 16مارچ(اے پی پی): سینئر وزیر پنجاب مریم اورنگ زیب کی زیر صدارت بذریعہ زوم جائزہ اجلاس منعقد ہوا جس میں وزیراعلیٰ پنجاب مریم نواز شریف کی ہدایت پرمعاشی مسائل سے نبردآزما ہونے کے لیے شرمپس کی پیداوار بڑھانے اور اسے منافع بخش بنانے کے لیے اقدامات کا جائزہ لیا گیا۔
سینئر وزیر نے گفتگو کرتے ہوئے کہا کہ وزیراعلیٰ پنجاب مریم نواز شریف صوبے میں ایکوا کلچر شرمپ فارمنگ کے لیے پرعزم ہیں اور پنجاب کو شرمپس فارمنگ کے لیے رول ماڈل بنانا چاہتی ہیں۔ انہوں نے وزیراعلیٰ مریم نواز شریف کے ویژن کے مطابق ایکواکلچر اوشن فارمنگ کے لیے پرائیویٹ سیکٹرکو متحرک کرنے کی ہدایت دی۔
اجلاس میں سمال میڈیم انٹرپنیور،فارن ان پٹ،فارن کنسلٹنٹس،ریسرچ اور نوجوان نسل کی کاروباری سطح پر شمولیت کو یقینی بنانے پر بھی غور کیا گیا۔
سینئر وزیر پنجاب نے کہا کہ وزیراعلیٰ پنجاب کے مطابق چھوٹے فارمر کوسہولیات کی فراہمی اور درپیش مسائل کا خاتمہ ہمارا مشن ہے۔انہوں نے کہا کہ وزیر اعلیٰ فش فارمنگ کو نوجوانوں کے لیے روزگار کے طورپر پرکشش بناکر ٹرینڈ سیٹ کرنے کی بھی خواہاں ہیں ۔انہوں نے کہا کہ فش فارمنگ میں فروزن سسٹم میں جدت ،ٹریننگزاور گلوبل بیسٹ پریکٹسز کومتعارف کروایا جائے گا،شرمپ ایکواکلچر ڈویلپمنگ کے ذریعے چھوٹے اور متوسط کاروبار میں اضافہ کرنا مقصودہے۔
صوبائی سینئر وزیر نے کہا کہ مریم نواز شریف کے ویژن کے مطابق شرمپ ایکواکلچر کی پروڈیکشن اور پروسیسنگ میں خواتین کو ترجیحی بنیادوں پر ٹرینڈ کیا جائے گا۔انہوں نے کہاہے کہ شرمپ فارمنگ میں ترقی کےلیے بین الاقوامی سطح پر ایکسپرٹس کی رائج شدہ بہترین مینجمنٹ پریکٹسز کولوکل لیول پر بھی اپنایا جائے ۔
مریم اورنگزیب نے کہا کہ فیڈ و سیڈ پر سبسڈی ،مارکیٹ میچورٹی ،بریڈنگ اور مشترکہ فوائد کے حصول اور اکنامک معاشی نتائج کے لیے شارٹ ٹرم اور لانگ ٹرم حکمت عملی وضح کرنے کے لیے ٹائم لائن مقرر کر دی ہے۔ریسرچ میں یونیوسٹی اسٹوڈنٹس،ماہرین اور پرائیویٹ سیکٹر حکومت پنجاب کے ساتھ ملکرکام کریں گے۔
