اسلام آباد،20 مارچ(اے پی پی):آئندہ چوبیس گھنٹوں کے دوران ملک کے بیشتر علاقوں میں دن کے اوقات میں موسم خشک تاہم شام/رات کے دوران گلگت بلتستان، کشمیر اور بالائی خیبر پختونخوا میں چند مقامات پر تیز ہواؤں اور گرج چمک کے ساتھ ہلکی بارش اور پہاڑوں پر ہلکی برفباری ہو سکتی ہے۔
جمعرات کے روز بھی ملک کے بیشترعلاقوں میں موسم خشک جبکہ بالائی علاقوں میں مطلع جزوی ابر آلود رہے گا۔ تاہم گلگت بلتستان، کشمیر، خیبر پختونخوا ،اسلام آباداور خطہ پوٹھوہار میں آندھی/جھکڑ اور گرج چمک کے ساتھ بارش اور پہاڑوں پر ہلکی برفباری کا امکان ہے
گزشتہ چوبیس گھنٹوں کے دوران ملک کے بیشترعلاقوں میں موسم خشک رہا،چھور،مٹھی میں 40، حیدرآباد، لسبیلہ، شہید بینظیر آباد، ٹنڈو جام میں 39، کراچی، میرپورخاص، سکرنڈ، سبی اور ٹھٹھہ میں38 ڈ گری سینٹی گریڈ زیادہ سے زیادہ درجہ حرارت ریکارڈ کیا گیا۔
