اسلام آباد،03 اپریل (اے پی پی) : وفاقی وزیر برائے صنعت و پیداوار رانا تنویر حسین نے کہا ہے کہ انجینئرنگ ڈویلپمنٹ بورڈ کو انجینئرنگ مصنوعات کی تیاری اور ڈیزائننگ میں سہولت فراہم کرنے کے لیے جدید طریقہ پر فعال کردار ادا کرنا چاہیے، ای ڈی بی کو انجینئرنگ کے شعبے میں ملکی اور غیر ملکی سرمایہ کاری کو راغب کرنے میں اہم کردار ادا کرنا چاہیے۔
ان خیالات کا اظہار وفاقی وزیر برائے صنعت و پیداوار رانا تنویر حسین نے انجینئرنگ ڈویلپمنٹ بورڈ کے جائزہ اجلاس کی صدارت کرتے ہوئے کیا۔اجلاس میں چیف ایگزیکٹو آفیسر رضا عباس شاہ نے انجینئرنگ ڈویلپمنٹ بورڈ کے کام، کامیابیوں، جاری منصوبوں اور مستقبل کے ترقیاتی منصوبوں کے بارے میں تفصیلی بریفنگ دی۔
اس موقع پر بات کرتے ہوئے وفاقی وزیر نے کہا کہ ۔ انجینئرنگ انڈسٹری کے اندر ترقی، اختراع اور مسابقت کو فروغ دینے کے لیے پالیسی اور ریگولیٹری فریم ورک کو فوری طور پر نظر ثانی کی ضرورت ہے۔انہوں نے کہا کہ انجینئرنگ ڈویلپمنٹ بورڈ کو انجینئرنگ کے شعبے میں ملکی اور غیر ملکی سرمایہ کاری کو راغب کرنے میں اہم کردار ادا کرنا چاہیے۔انہوں نے کہا کہ سرمایہ کاری کے لیے سازگار ماحول پیدا کرکے ای ڈی بی اقتصادی ترقی اور صنعتی توسیع کو تحریک دے سکتا ہے۔
وفاقی وزیر نے کہا کہ انجینئرنگ ڈویلپمنٹ بورڈ مطلوبہ مقصد حاصل کرنے میں ناکام رہا ہے۔ اسے ٹیکنالوجی کی منتقلی میں سہولت فراہم کرنی چاہیے اور انجینئرنگ انڈسٹری میں اسے اپنانے کو فروغ دینا چاہیے جس سے مینوفیکچرنگ کے عمل کو اپ گریڈ کرنے، پیداواری صلاحیت بڑھانے اور عالمی مارکیٹ میں مسابقتی رہنے میں مدد ملے گی۔
وفاقی وزیر نے کہا کہ انجینئرنگ ڈویلپمنٹ بورڈ کا پاکستان سے انجینئرنگ سامان اور خدمات کی برآمدات کو فروغ دینے میں اہم کردار کا حامل ہے۔ مارکیٹ تک رسائی، تجارتی نمائشوں اور برآمدی ترغیبات کی سہولت کے ذریعے یہ پاکستانی انجینئرنگ فرموں کی بین الاقوامی موجودگی کو بڑھانے میں مدد کر سکتا ہے۔
وفاقی وزیر نے سی ای او، ای ڈی بی کو ہدایت کی کہ وہ مستقبل کا ٹھوس ترقیاتی منصوبہ اور انجینئرنگ انڈسٹری کی ترقی میں رکاوٹ بننے والی رکاوٹوں کو دور کرنے کی تجاویز پیش کرے۔
