ملتان،15 اپریل(اے پی پی):موسم کی تبدیلی کو مدنظر رکھتےکمشنر مریم خان نے انسداد ڈینگی سرویلنس میں تیزی لانے کی ہدایت کی ہے۔کمشنر مریم خان نے ڈویژن بھر میں ہفتہ آگاہی انسداد ڈینگی مہم منانے کی ہدایت کی اور کہا کہ سکولوں میں زیرو پیریڈ، آگاہی واک، سیمنار، بھرپور صفائی کروائی جائے ۔
کمشنر مریم خان کی زیر صدارت ڈینگی کنٹرول مہم بارے جائزہ اجلاس منعقد ہوا۔کمشنر نے کہا کہ حالیہ بارشوں کے پیش نظر ہاٹ اسپاٹ کی سرویلنس، مثبت سائٹس پر فوری کیس ریساپنس کیا جائے۔انہوں نے کہا کہ کسی بھی مقام پر پانی جمع نا ہونے دیا جائے، خشک اور صاف ماحول ڈینگی سے پاک ملتان ڈویژن کا ضامن ہے۔
کمشنر نے شہریوں سے اپیل کرتے ہوئے کہا کہ شہری اپنے ارد گرد کا ماحول صاف اور خشک رکھیں۔انہوں نے کہا کہ ہر شہری کا مثبت کردار اور تعاون ڈینگی کے خاتمے کیلئے ناگزیر ہے۔ انہوں نے کہا کہ ڈینگی لاروا ملنے کی صورت میں کمرشل عمارات کو سربمہر، متعلقہ افراد کو فوری گرفتار کیا جائے۔
مریم خان نے کہا تمام محکمے باہمی رابطہ کے ساتھ بھرپور انسداد ڈینگی مہم چلائیں۔ ادارے، دفاتر میں ڈینگی لاروا ملنے کی صورت میں سربراہ کے خلاف کارروائی ہوگی ۔انہوں نے کہا کہ جدید اینڈرایڈ سسٹم کے تحت ڈینگی کے خلاف سرگرمیوں کو پورٹل آپلوڈ کیا جائے ۔
اجلاس میں ڈپٹی کمشنر کیپٹن ر رضوان قدیر ،ڈائیریکٹر ہیلتھ سروسز ڈاکٹر وسیم رمزی،سی او ہیلتھ ڈاکٹر فیصل نے شرکت کی اور فوکل پرسن برائے انسداد ڈینگی مہم ڈاکٹر عطا الرحمن نے تفصیلی بریفنگ دی۔
