اسلام آباد،23 اپریل(اے پی پی): محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم خشک اور جنوبی علاقوں میں گرم رہے گا۔ تاہم کشمیر، گلگت بلتستان ، بالائی خیبر پختونخوااور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے۔
گزشتہ چوبیس گھنٹوں کے دوران ملک کے بیشتر علاقوں میں موسم خشک رہا۔ تاہم بالائی خیبرپختونخوا، پنجاب، کشمیر اور گلگت بلتستان میں چند مقامات پر تیز ہواوٴں/آندھی اور گرج چمک کے ساتھ بارش ہوئی۔
سب سے زیادہ بارش منڈی بہاؤالدین 12، ملتان (ایئرپورٹ 09، شہر 08)، جہلم 08، مری 07، اوکاڑہ، ٹوبہ ٹیک سنگھ 05، حافظ آباد 04، جھنگ 03، شیخوپورہ، قصور، لاہور (ایئرپورٹ) 02، راولپنڈی (کچہری 01)، منگلا، فیصل آباد 01، کاکول، زیریں دیر 07، مالم جبہ 05، پشاور (سٹی، ایئرپورٹ 01)، مظفر آباد (ایئرپورٹ 03، سٹی 02)، گڑھی دوپٹہ 02 اور راولاکوٹ میں 01ملی میٹر بارش ریکارڈ ہوئی۔
گزشتہ روز ریکارڈ کیے گئے زیادہ سے زیادہ درجہ حرارت : شہید بینظیر آباد42 ،پڈ عیدن اوردادو میں41 ڈگری سینٹی گریڈ ریکارڈ کیا گیا۔
