اسلام آباد، 23 اپریل (اے پی پی): وفاقی وزیر برائے امور کشمیر و گلگت بلتستان وسیفران انجینئر امیر مقام سے کشمیر کونسل کے ممبران نے منگل کو یہاں ملاقات کی ۔کونسل ممبران نے انجینئر امیر مقام کو وفاقی وزیر برائے امور کشمیر و گلگت بلتستان کا چارج سنبھالنے پر مبارکباد دی۔
ملاقات کے دوران کشمیر کونسل سے متعلق امور، ترقیاتی منصوبوں اور لوگوں کو درپیش مسائل پر تفصیلی تبادلہ خیال کیا گیا۔اس موقع پر انجینئر امیر مقام نے کہا کہ وزارت امور کشمیر و گلگت بلتستان علاقے کے لوگوں کو درپیش مسائل کے حل کے لیے ہر ممکن تعاون جاری رکھے گی، وفاق اور آزاد جموں کشمیر حکومت کے درمیان ورکنگ ریلیشن شپ کو مزید بہتر بنایا جائے گا۔
کشمیر کونسل کے وفد میں خواجہ طارق سعید ایڈوکیٹ ، شجاع راٹھور، یونس میر، حنیف ملک شامل تھے۔
